Алынған жаңартуларды тексеру

Басқарылатын құрылғыларға жаңартуларды орнатудың алдында, оларды алдымен Жаңартуды тексеру тапсырмасының көмегімен жұмысқа жарамдылығы мен қателері тұрғысынан тексере аласыз. Жаңартуды тексеру тапсырмасы Жаңартуларды Басқару серверінің қоймасына жүктеп алу тапсырмасы аясында автоматты түрде орындалады. Басқару сервері жаңартуларды көзден жүктейді, оларды уақытша қоймада сақтайды және Жаңартуды тексеру тапсырмасын іске қосады. Бұл тапсырма сәтті орындалған жағдайда, жаңартулар уақытша қоймадан Басқару серверінің ортақ қатынасы бар қалтасына көшіріледі (<Kaspersky Security Center орнату қалтасы>\Share\Updates). Жаңартулар Басқару сервері жаңарту көзі болып табылатын клиент құрылғыларына қолданылады.

Егер Жаңартуды тексеру тапсырмасын орындау нәтижелері бойынша уақытша қоймада орналастырылған жаңартулар дұрыс емес деп танылса немесе Жаңартуды тексеру тапсырма қатемен аяқталса, жаңартуларды ортақ қатынасы бар қалтаға көшіру жүргізілмейді. Басқару серверінде алдыңғы жаңартулар жиынтығы қалады. Қоймаға жаңартуларды жүктеу кезінде кесте түрі бар тапсырмаларды іске қосу да орындалмайды. Жаңа жаңартулар жиынтығын тексеру сәтті аяқталса, бұл операциялар Жаңартуларды Басқару серверінің қоймасына жүктеп алу тапсырмасы келесі рет іске қосылған кезде орындалады.

Егер сынақ құрылғыларының кем дегенде біреуінде келесі шарттардың бірі орындалса, жаңартулар жиынтығы дұрыс емес болып саналады:

• жаңарту тапсырмасын орындау кезінде қате пайда болды;
• жаңартуларды қолданғаннан кейін, қауіпсіздік бағдарламасының тұрақты қорғаныс күйі өзгерді;
• талап бойынша тексеру тапсырмасын орындау барысында жұқтырған нысан табылды;
• "Лаборатория Касперского" бағдарламасының жұмыс қатесі туындады.

Егер сынақ құрылғыларының ешқайсысында аталған шарттардың ешбірі орындалмаса, жаңартулар жиынтығы дұрыс деп танылады және Жаңартуды тексеру тапсырмасы сәтті орындалды деп саналады.

Жаңартуды тексеру тапсырмасын жасауға кіріспес бұрын, алдын ала шарттарды орындаңыз:

1. Бірнеше сынақ құрылғысы бар басқару тобын құрыңыз. Жаңартуларды тексеру үшін сізге бұл топ қажет болады.

   Сынақ құрылғылары ретінде ұйымның желісінде ең көп таралған бағдарламалық конфигурациясы бар жақсы қорғалған құрылғыларды пайдалану ұсынылады. Бұл тәсілдеме, тексеру кезінде вирустарды анықтаудың сапасы мен ықтималдығын арттырады, сонымен қатар жалған іске қосылу қаупін азайтады. Сынақ құрылғыларында вирустар табылған кезде Жаңартуды тексеру тапсырмасы сәтсіз аяқталды деп саналады.

2. Kaspersky Endpoint Security for Windows немесе Kaspersky Security for Windows Server сияқты Kaspersky Security Center қолду көрсететін бағдарлама үшін Жаңарту және Зиянды бағдарламаны сканерлеу тапсырмаларын жасаңыз. Жаңарту және Зиянды бағдарламаны сканерлеу тапсырмаларын жасау кезінде сынақ құрылғылары бар басқару тобын көрсетіңіз.

   Жаңартуды тексеру тапсырмасы Жаңарту және Зиянды бағдарламаны сканерлеу тапсырмаларын сынақ құрылғыларында рет-ретімен орындайды және осылайша, барлық жаңартулардың жаңартылғанын тексереді. Сондай-ақ, Жаңартуды тексеру тапсырмасын жасау кезінде Жаңарту және Зиянды бағдарламаны сканерлеу тапсырмалары анықталуы керек.

3. Жаңартуларды Басқару серверінің қоймасына жүктеп алу тапсырмасын жасаңыз.

Kaspersky Security Center бағдарламасы клиент құрылғыларына таратпас бұрын алынған жаңартуларды тексеруі үшін:

1. Консоль ағашының Тапсырмалар қалтасының жұмыс аймағында, тапсырмалар тізімінен Жаңартуларды Басқару серверінің қоймасына жүктеп алу тапсырмасын таңдаңыз.
2. Тапсырманың сипаттары терезесін келесі тәсілдердің бірімен ашыңыз:
   • Файлдың мәнмәтіндік мәзірінде Сипаттар тармағын таңдаңыз.
   • Таңдалған тапсырмамен жұмыс істеу блогындағы Тапсырма параметрлерін конфигурациялау сілтемесі бойынша.
3. Жаңартуды тексеру тапсырмасы бар болса, Шолу түймесін басыңыз. Сынақ құрылғылары бар басқару тобында ашылған Жаңартуды тексеру тапсырмасы терезесінде.
4. Жаңартуды тексеру тапсырмасын бұған дейін жасамаған болсаңыз, Жасау түймесін басыңыз.

   Жаңа тапсырма жасау Жаңартуды тексеру шебері іске қосылады. Содан кейін, шебердің нұсқауларын орындаңыз.

5. ОК түймесін басып, Жаңартуларды Басқару серверінің қоймасына жүктеп алу тапсырмасы сипаттары терезесін жабыңыз.

Жаңартуларды автоматты түрде тексеру қосылған. Енді сіз Жаңартуларды Басқару серверінің қоймасына жүктеп алу тапсырмасын іске қоса аласыз, сонда ол жаңартуларды тексеруден басталады.

Сондай-ақ, қараңыз: Сценарий: "Лаборатория Касперского" бағдарламалары мен дерекқорларын үнемі жаңартып тұру

Басына оралу